台中市立四張犁國民中學九十七學年度第二學期(閩南語社團)活動課程
3月11日：優雅的台語：午年祝賀詞、諺語、四句聯、七字仔、唸謠等賞析
優雅的台語 陳瓊楣 2009.3.11
吉日開課好頭彩（tshái） 歡迎同學逐家來（lâi）
優雅台語人人愛（ài） 一人一句笑咍咍（hai）
台羅拼音真趣味（b„） 聲母韻母聲調記（kì）
親像唸歌變把戲（hì） 予咱快樂無得比（pí）
唸謠純新童年歸（kui） 畫謠神奇足婟嫢（tsui）
諺語哲理有智慧（hu„） 七字押韻真正媠（suí）
詩詞吟唱心胸開（khui） 散文抒情暢言飛（hui）
課程內容成豐沛（phài） 老師逐逐來出菜（tshài）
認真拍拼喜疊眉（bâi） 成果發表展英才（tsâi）
牛年祝賀詞 陳瓊楣 2009.1.18
摸牛頭（thâu） 子孫代代賢（gâu）
摸牛身（sin） 家和萬事興（hin/hing）
摸牛腳（kha） 拍拼食未乾（ta）
摸牛尾（bué/bé） 勤儉賺家伙（hué/hé）
有關「牛」的諺語︰
1、有心做牛，免驚無犁可拖。
(只要肯拍拼，免驚無工課通做。)
2、牛牽到北京嘛是牛。
(比喻江山易改,本性難移。)
3、慢牛食濁水。
(形容人要較謹慎的。)
4、多牛踏無糞，多某無地睏。
(咱人做事誌應該要有分寸。)
5、牛鼻不拎，拎(lîng)牛尾。
(比喻人做事誌的方法要著要領。)
6、牛瘦無力，人窮(散)白賊。
(比喻人窮志短。)
7、做人著磨，做牛著拖。
(比喻做人需要磨練。)
8、牛無牽過溪，屎尿不願放。
(比喻若無使用辦法未講實話。)
9、牛屎龜撐石板。
(比喻人不自量力。)
10、牛肉灌水，沓沓(tãp)滴滴。
(比喻事誌瑣碎，拖泥帶水。)
食新婚茶－
◎ 茶盤金金 (kim) ※(金字韻 韻母im)
茶甌深深 (tshim)
新郎新娘若毋相唚 (tsim)
即杯甜茶阮無愛飲 (lim)
◎ 新郎才子 (tsú) ※(龜字韻 韻母u)
新娘美女 (lú)
兩姓合婚 (hun)
早生貴子 (tsú)
四句聯－結婚誌慶 (陳瓊楣))
天作之合結連理 (lí ) ※(居字韻 韻母i)
才子佳人花並蒂 (tì )
永浴愛河相偎依 (i )
天長地久綿綿甜 (ti°)
七字仔－滾笑 (陳瓊楣) ※(君字韻 韻母un)
合人滾笑有分寸 (tshùn) 抵好著好莫過份 (hün)
若是歡喜笑吻吻 (bún) 若是變面青恂恂 (sún)
未堪滾笑學吞忍 (l ún) 莫聽莫應無蝕本 (pún)
若興滾笑好歹分 (hun) 挖人臭疕起怨恨 (hün)
逐家鬥陣雞胿歕 (pûn) 談天說地看風雲 (hûn)
毋通舞到冲冲滾 (kún) 未當收山煞練拳 (kûn)
滾笑歌
囝仔滾笑真趣味 一二三四阮不知
大人滾笑賢生氣 五六七八汝放屁
老人滾笑無事誌 九十十一食百二
古早唸謠－烏秋
烏秋烏秋ka-ka-kiu（kiu） ※(ㄐ字韻 韻母 iu)
水蛙仔肉搵豆油 （iû）
豆油捧咧走 （tsáu） ※(交字韻 韻母au)
烏秋嗎嗎哮 （háu）
※ 烏秋又名大卷尾，體長約29cm，全身黑亮，尾巴甚長，末端較寬，
呈分叉狀，很易辨識。
（喜歡攻擊男性，特別是小男生）在田野中，喜歡站在水牛背上。
唸謠創作－
阿肥仔 (陳瓊楣)
目睭烏烏烏（oo） 生做禾黑糊糊（kôo） ※(沽/高字韻 韻母oo/o)
食到者大箍（koo） 四界賴賴趖（sô）
毋通笑阮禾黑（bái） 大箍者將才（tsâi） ※(皆字韻 韻母ai)
來日蛾姿彩（tshái）時到汝道知（tsai）
毒蛇 (陳瓊楣)
身軀像索長軂軂（lò） ※(高字韻 韻母o)
無跤通行就用趖（sô）
恁若抵著趕緊逃（tô）
予伊咬著命道無（bô）
3月18日：台羅拼音：聲母、韻母、聲調(一)
4月1日：台灣囝仔的歌：種菜的阿媽、排骨仔隊
種菜的阿媽
來 來 來 緊來 趕緊來
鬥陣來阮的菜園仔內
阮的阿媽賢種菜
阮的阿媽賢種菜
看 看 看 緊來 緊來 緊來看
菜園仔內的高麗菜
疊到一堆親像山
無人買 囥咧爛
阿媽阿媽成打拼
透中晝 日頭腳
曝菜干 曝到大粒汗復細粒汗
滴滴答答 滴滴答答。
排骨仔隊
阮就是排骨仔隊
汝嘛是排骨仔隊
胸坎若樓梯
腹肚若水櫃
雙支手仔金光錘
雙支跤仔草蜢仔腿
人人攏叫阮是排骨仔隊
4月8日：台羅拼音：聲母、韻母、聲調(二)
4月15日：台羅拼音(一)、(二)
4月22日：畫謠欣賞：企鵝、海豚
很多人知道童謠、民謠、唸謠、歌謠，但卻未曾聽過畫謠。
『畫謠』是在千禧年的新創作，是特別為地球上的大朋友和小朋友所設計的；內容融合了文學、音樂、美術，三合一劃時代的創作，接觸了畫謠以後，您的生活會變得更有趣、思想更活潑！假使您是一個教學工作者，這種『三合一教學』，可以讓您快速提昇教學效率，幫助小朋友在短時間內同時學會：手畫漫畫、嘴唸詩歌、快樂學台語。
畫 謠 潘艷姿創作
海 豬(豚
出世置大海(hái)
生做嘛未禾黑(bái)
人講我是豬(ti)
實在真怪奇(kî)
畫 謠 潘艷姿 創作
海紳士(企 鵝)
腹肚親像球(kiû)
落水用翅泅(siû)
上陸嘛自由(iû)
紳士真溫柔(jiû)
4月29日：台羅拼音：連音變調、國台語對應及轉換
5月6日：台語文學賞析：戀戀中台灣 ；台羅拼音：連音變調.國台語對應及轉換
5月20日：台語文學賞析：初一早
初一早（新年歌） (資料：古早歌)
初一早，初二早，初三睏到飽，
初四接神，初五隔開，
初六挹肥，
初七七元，初八圓全，
初九天公生，初十地媽生，十一請子婿，
十二返來拜，
十三食湆糜配芥菜，
十四搭燈棚，十五上元暝。
5月27日：台語文學賞析：戀戀中台灣
戀戀中台灣 潘艷姿
雲像一扦棉仔糖，
風像一首安眠曲；
日頭像一領絲仔被，
雨水像一幅珍珠簾。
春天 垂柳歸路迎，
熱天 鳳凰滿山坪；
秋天 楓紅大學城，
寒天 溫暖自由行。
來到即個所在，請將腳步放慢，
寬寬仔體會，恬恬仔欣賞。
6月3日：台語文學賞析：囝仔時耍的齣頭
囝仔時耍的齣頭 黃惠滿
四、五十年前，彼當時台灣的家庭，普遍攏為著三頓得拍拚，根本道無閒錢通買th…t-thô 物仔。所以若毋是廢物利用道是耍免錢的，阮兜嘛仝款。親像拾一細塊仔破瓦抑是磚仔角，佇土跤畫一個草人道會當跳格仔。抑是畫一个四角箍仔，邊仔畫一圝，復加四个角捅出去，耍khâi-sián。跳索仔、踢塞仔、匿相尋、灌土猴、掠金龜、掠蛺仔、釣水雞、拾田螺、黏田蜻、摸蜊仔兼洗褲等。這攏總免費，毋若免費，復予你耍未倦。
以前的路邊，毋是樹仔道是草佮花，有時逐家招咧，沿路行沿路耍。燈仔花會當suh伊的蜜，復加花中央三角形黏黏彼粒（子房）黏tiàm鼻仔，做啄鼻仔，真趣味。食黑籽仔菜的籽。臭腥花（馬纓丹）一蕊一蕊接起來做phüa鏈，真特別喔。加樹葉仔捲捲咧緊行緊歕，行到學校，peh樹仔比賽，拾鳳凰木的花做蛺仔，真成復真媠。另外復加一寡花、樹葉仔，挽挽剓剓咧會當辦公家伙仔，你看會著，會當耍的攏會使提來湊。
佇阮較大漢的時，厝裏有較喟活，有買跳棋、棋子仔、沙包、羽毛球、khe-gi -bang 來耍。其實不只仔經濟，開毋偌濟錢會當耍成濟項，復用成久，尤其是一付khe- gi -bang紮咧，去佗攏方便，有拾紅點、十點半、排七仔、khe- gi- bang sî-t±-pýh，你愛耍啥道耍啥，人愈濟愈好耍。
阮的囝仔時代足自由，父母對阮完全放心，放學返來，只要宿題做好，春的時間道是th…t-thô。所以媽媽講阮若野馬咧，出去是若拍-毋-見，返來若拾著，實在有夠幸福！
比較即馬佮以前，以前實在是太健康哩，大部分的時間攏佇外口tsông，有日頭、有空氣、有溪仔水，自然的環境在你用。抵著落雨歡喜到若著著奨，沃到澹糊糊，愈澹是愈暢。哇à！干若沃雨道會當予人爽歪歪，你敢知？根本都無人會去煩惱會感冒否？哪有像即馬th…t-thô物仔是買人做便的，尤其電視咸電腦，會當控制外濟人的尻川黏著椅仔，毋若限制你的思考方式，復阻礙你創造的能力，全飼料雞了了，莫怪有教育專家建議學測愛考體育。其實時代得變，只要觀念正確，斟酌取有路用的，囝仔亦會使真健康，上重要的是愛復擋會椆彼堵siâ°人的力量，大自然四界攏是寶貝，只要你偎伊、你用心，道會歡歡喜喜得著
&
留言列表
